Uyghurlarning polat elemdar bilen bolghan uchrishishi Uyghur tor betlirining qiziq témisigha aylandi

Türkiyining ataqliq kino cholpini"Böriler wadisi" filimde bash rol élip, polat elemdar nami bilen körermenler arisida chongqur tesirat qaldurghan nijat shashmasning 21 - iyul küni istambulda Uyghur élidin kelgen we türkiye yashaydighan 150 Uyghurni qobul qilip, ular bilen töt sa'et etrapida birge bolushi Uyghurlar arisida küchlük ijabiy tesiratlarni qozghighan idi.
Muxbirimiz ümidwar
2012-07-29
Élxet
Pikir
Share
Print


Melum bolushiche, mezkur Uyghurlarning polat elemdar bilen bolghan uchrishishi nöwette, Uyghur élidiki intérnét tor betlirining eng qiziq témisigha aylan'ghan.

Uyghurlarning polat elemdar bilen bolghan uchrishishigha a'it foto süret körünüshliri hemde uchrishish ehwaligha a'it qisqiche melumatlar bir qanche kün ichidila nechche on minglap oqulush we körülüshke érishken.

Melum bolushiche, xitay hökümiti tunji qétim mundaq 130 din artuq edebiyat, sen'et, kino, muzika we bashqa sahelerdiki Uyghurlarni kolléktip halda türkiyige bérip, türkiyining ataqliq kino cholpini bilen körüshüsh we birlikte pa'aliyet élip bérishqa ruxset qilghan.

Intérnét tor betliridiki polat elemdar bilen bolghan bu qétimqi uchrishish heqqidiki inkaslar nahayiti yüksek bahalar bilen tolghan bolup, bularda Uyghurlarning mezkur ertisqa bolghan hörmiti we türkiye xelqighe bolghan dostaniliq ipadilen'gen.

Melum bolushiche, ilgiri nurghun Uyghurlar, xitay, xongkong, yapon, hindistan we pakistan hetta koriyining dangliq kino ertislirini etiwalighan idi, mana emdi türkiye cholpanliri, türkiye filimliri jümlidin polat elemdar Uyghurlarning qelbidin orun alghanliqi inkas qilinmaqta.

Toluq bet