Xitay Uyghur élide emdilikte börilerge qattiq zerbe bérish herikiti bashlimaqchi

Xewerde bayan qilinishiche, yéqinqi yillardin buyan Uyghur élining sanji qatarliq jayliridiki bir qisim yaylaqlirida börilerning qoy-qozilarni yep qoyush hadisisi barghanséri köpiyip ketken. Buning bilen charwichilar hem iqtisadiy, hem bixeterlik jehettin tehditke duch kelgen.

Yéqinda xitayning sanji oblastliq saqchi idarisi, bir türküm chégra mudapi'e saqchilirini etraptiki yaylaqlargha ewetip börilerning ehwalini közetken.

Xewerde bildürüshiche, bu yil qish kirish bilen bir türküm xitay qoralliq eskerliri bezi charwichilarni neq meydanda qoralliq muhapizet qilghan. Böre apitining ziyankeshliki heqqidiki tekshürüsh-tetqiqat netijiliri toghrisidimu tepsiliy melumatlar bérilgen we börilerge taqabil turushning ehmiyiti tekitlen'gen.

Xewerde “Börilerge qattiq zerbe bérish herikiti” dégen bir nam tilgha élinmighan bolsimu, xitay saqchilirining neq meydandiki körünüshliri, börilerge taqabil turush heqqidiki teshebbus we chaqiriqlar, pat yéqinda mushundaq bir heriketning dawam qilidighanliqidin bésharet bermekte.