Bush amérika pul - mu'amile bazirini qutquzush pilani testiqlinish aldida turuwatqanliqini bildürdi

Amérika prézidénti jorj bush peyshenbe küni amérika dölet mejlisidiki ikki partiyining rehberlirini we bu nöwetlik saylamning prézidént namzati barak obama bilen jon mékyinni aq saraygha chaqirghan.
Muxbirimiz erkin
2008-09-26
Share

Yighinda, hökümetning 700 milyard dollar serp qilinidighan amérika pul - mu'amile bazirini qutquzush pilanini muzakirige qoyghan. Lékin terepler qutquzush pilanida birlikke kélelmigendin kéyin bu mesle tereplerning jüme küni yene muzakire qilishigha qaldi.

Prézidént bush jüme küni amérika dölet mejlisining qutquzush pilanini testiqlaydighanliqini bildürdi. U, mezkur pilanning bezi terepliri talash ‏ - tartish qozghighan bolsimu, lékin köpchilikning jiddiy tedbir qollinish mesiliside pikiri birdek ikenlikini eskertti.

Eger dölet mejlisi bush hökümitining mezkur pilanini testiqlisa, bu amérika tarixidiki hökümetning chong xususy shirketlerni sétiwélish sodisi bolup qalidu. Mezkur pilan toghrisidiki talash - tartishning asasi négizi 700 milyard dollarni xejlesh usuli bolup, dölet mejlisidiki bezi démokratlar bu pulni biraqla testiqlashqa qarshi turmaqta. Amérika pul - mu'amile shirketlirini qutquzushqa qarshi turghuchilar bolsa xususy shirketlerning yükini amérika awam xelqi üstige almasliqi kérek, dep qarimaqta.

Lékin dölet mejlisidiki köpchilik ezalarning pikiri buyiche, pul - mu'amile krizisigha qarshi jiddiy tedbir qollinish zörürdur. Prézidént bush peyshenbe küni élan qilghan nutuqida amérika xelqi choqum pul - mu'amile bazirini qutquzush pilanini qollap, pul - mu'amile krizisining éghirliship kétishining aldini élishni tekitlidi. U, pütün iqtisadning xeter astida turuwatqanliqini, eger jiddiy tedbir élinmisa éghir bedel töleshke toghra kélidighanliqini agahlandurdi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet