Bu yil rabiye qadir xanim qatarliq 241 kishi nobél tinchliq mukapatigha namzat körsitildi

Nobél komitéti bügün, 2011-yilliq nobél tinchliq mukapatigha 241 kishining namzat körsitilgenlikini uqturghan.
Muxbirimiz shöhret hoshur
2011.03.01

Namzatlarni tizimlash, 1-féwral küni axirlashqan bolup, namzatlarning isimliki öktebirde élan qilinidu. Uqturulishiche, namzatlarning ichide wikiliks tor béti we ereb döletliridiki bu yilqi isyanchilarning rehberlirimu bar.

Xewerlerde bayan qilinishiche, wikiliks tori béti, norwégiye parlamént ezasi snorre walen teripidin körsitilgen bolup, u muxbirlargha bu heqte bergen chüshendürüshide, wikiliksning döletlerdiki xiyanetchilik, urush jinayiti we qiyin-qistaq mesililirini dunyagha ashkarilighanliqini medhiyiligen.

Bu yilqi namzatlar arisida intérnétni keship qilghuchi dep qaralghan amérikiliq larry roberts bilen wint cherf we en'gliyilik tim berness-le'ebar bolup, bularning bu yilliq ereb isyanlirida muhim roli bar dep qaralghan.

Fransiye axbarat agéntliqining bu heqtiki xewiride, sabiq gérmaniye bash weziri hélmut kohl, libériye prézidénti elen jonson we Uyghur kishilik hoquq pa'aliyetchisi rabiye qadir xanimningmu namzatlar arisida barliqi bildürülgen. 2010‏-Yilliq nobél tinchliq mukapati xitay öktichi lyu shawbogha bérilgen. Mukapat xitay bilen gherb döletliri arisida bir mehel diplomatik kélishelmesliklerge seweb bolghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.