Yer tewresh apiti chapchalda 46 milyon yüendin artuq iqtisadi ziyan keltürüp chiqardi

25 - Yanwar küni chapchalda yüz bergen yer tewresh apitining keltürüp chiqarghan ziyanliri heqqide ige bolghan eng yéngi uchurlargha asaslan'ghanda, yerlik da'irilerning statistika qilishiche, chapchal nahiyiside bu yer tewreshtin kélip chiqqan biwaste iqtisadiy ziyan 46 milyon 120 ming yüendin ashqan bolup, apetning keltürgen weyranchiliqlirini eslige keltürüsh üchün 76 milyon 710 ming yüendin artuq meblegh kétidiken.
Muxbirimiz gülchéhre
2009.02.03

Bextke yarisha, mezkur yer tewresh apiti ölüm yaki yarilinishni keltürüp chiqarmighan bolsimu, apette öyliri örülüp biwaste ziyan'gha uchrighan adem 10 ming 887 kishige yetken. Buning ichide 5123 kishining öyi éghir weyran bolghan.

Xitay da'iriliri bu qétimliq yer tewresh apitini " adettiki weyranchiliq élip kelgen yer tewresh apiti, apettin qutquzush ishliri pütünley yürüshüp, apettiki xelq ghemdin xali qilindi " dep teshwiq qiliwatqan bolsimu, emma igiligen uchurlirimizdin ashkarilinishiche, chong bughra yézisi qatarliq apet éghir bolghan jaylarda yenila, öyliri örülgen apettiki ammigha kepe, yéqilghu we ashliq yétishmeslik mesililiri mewjut.

Yerlik da'iriler, yer tewresh apitide öysiz qalghan déhqan - charwichilarni yer tewreshke chidamliq yéngi turalghulargha köchürüp kirishige uzun waqit kétidighanliqini, yéqin dégendimu yazni kütüshi kéreklikini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.