Chégrisiz muxbirlar teshkilati fransiye hökümitini xitaydin lyu shawboni qoyup bérishni telep qilishqa chaqirdi

Merkizi parizhdiki chégrisiz muxbirlar teshkilati jüme küni bayanat élan qilip, fransiye da'irilirining, parizhda ziyarettiki xitay dölet re'isi xu jintawning öter yolida namayish qilmaqchi bolghan bir qisim kishilik hoquq pa'aliyetchilirini tutqun qilghanliqini eyiblidi we shundaqla fransiye hökümitini xu jintawdin xitay türmisidiki nobil tinchliq mukapati sahibi lyu shawboni qoyush bérishni telep qilishqa chaqirdi.
Muxbirimiz erkin
2010.11.05
Share on WhatsApp
Share on WhatsApp

Bayanatta chégrisiz muxbirlar teshkilatining bash katipi jéyn franshi'os julliyardning sözini neqil keltürüp, "kishilik hoquq döliti fransiyining xitay öktichilirining ehwali we démokratiye terepdarlirining sistémiliq basturulushigha zuwan sürmeslikini tesewwur qilghili bolmaydu. Prézidént sarkoziy 2007‏ - yildiki saylamda kishilik hoquqni fransiye tashqi siyasitining merkizige olturghuzush toghrisidiki wedisige qandaq yüz kélidu?" dep tekitligen.

Fransiye saqchiliri jüme küni etigende parizhdiki namsiz eskerler qebristanliqini ziyaret qilishqa mangghan xu jintawning öter yolida namayish qilip, lyu shawboni qoyup bérishni telep qilmaqchi bolghan bir qisim chégrisiz muxbirlar teshkilati ezalirini tutqun qilghan. Shuning bilen birge yene, parizhning frankilin rozwélt métro istansisida namayish qilghan 20 dek chégrisiz muxbirlar teshkilati ezaliri we bir neper fransiye qanal plos téléwiziyisining muxbiri tutup qélin'ghan idi.

Chégrisiz muxbirlar teshkilati bayanatta lyu shawboning choqum qoyup bérilishi shert ikenlikini, fransiye hökümiti choqum xu jintawdin lyu shawboni qoyup bérishni telep qilishi kéreklikini tekitligen. Lékin xitayning mu'awin tashqi ishlar ministiri fu ying peyshenbe küni sarkoziy bilen xu jintaw éllisé sariyida körüshkendin kéyin muxbirlargha bayanat bérip, "lyu shawbo mesilisining xu jintaw bilen sarkoziy arisidiki söhbette muzakire qilinmighanliqi"ni bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.