ئەما ھوقۇق قوغدىغۇچىسى چېن گۇاڭچېڭنىڭ ئامېرىكا ئەلچىخانىسىغا كىرىۋېلىپ، ھىمايىگە ئېرىشكەنلىكى خەۋەر قىلىنماقتا. ئۇنىڭ ئامېرىكىنىڭ قوغدىشىغا ئېرىشكەنلىكىنى «جۇڭگو ياردەم»، جەمىيىتى ئېلان قىلغان ئىدى. بىراق، ئامېرىكا تەرەپ چېن گۇئاڭچېڭنىڭ مەسىلىسى ھەققىدە بىلدۈرۈش ئېلان قىلمىغان. بىرلەشمە ئاگېنتلىقىنىڭ خەۋەر قىلىشىچە، بىر نەپەر يۇقىرى دەرىجىلىك ئامېرىكا دىپلوماتى يەكشەنبە كۈنى بېيجىڭغا يېتىپ كەلگەن بولۇپ، ئۇ ئىككى مەسىلە، بىرى تەيۋەنگە قورال سېتىپ بېرىش مەسىلىسى، يەنە بىرى چېن گۇئاڭچېڭنىڭ مەسىلىسىنى مۇھاكىمە قىلىشى مۇمكىن ئىكەن. كېلەر ھەپتىدە ئامېرىكا بىلەن خىتاينىڭ ئىقتىسادىي ئىستراتېگىيىلىك سۆھبىتى باشلىنىدۇ.
