Ema adwokat chén gu'angchénning amérikining hamiyliqida turuwatqanliqi melum

Amérikidiki “Junggogha yardem” kishilik hoquq teshkilati ötken hepte nezerbend astidin qéchip ketkenliki ilgiri sürülgen ema kishilik hoquq pa'aliyetchisining nöwette amérika emeldarlirining hamiyliqida turuwatqanliqini bildürdi.
Muxbirimiz jüme
2012.04.28

Ema adwokat chén gu'angchén xitay yéziliridiki mejburi bala chüshürüsh we ayallar üstidin mejburiy tughutning aldini élish opératsiyisi qilish qilmishlirini ashkarilan'ghan we uning ziyankeshlikige uchrighan kishilerning qanuniy dewasini qilghan bolghachqa 2006 - yili türmige tashlan'ghan.

U, 2010 - yili türmidin chiqqandin kéyin shendungdiki öyide nezerbendke élin'ghan, uning öyi 24 sa'et xitay hökümet xadimlirining közitish astida idi.

Chén gu'angchénning ötken yekshenbe küni nezerbend astidiki öyidin ghelibilik qéchip chiqqanliqi we uning béyjinggha kelgenliki xewer qilin'ghandin kéyin, xitay kishilik hoquq pa'aliyetchisi xu jiya uning bilen körüshken we chénning“100 Pirsent bixeter jayda” turuwatqanliqni bildürgen.

Bügün amérikidiki “Junggogha yardem teshkilati” chén gu'angchénning nöwette amérika xadimlirining qoghdishi astida ikenlikini bildürdi.

Emma béyjingdiki amérika elchixanisi we washin'gton da'iriliri bu heqte toxtilishini ret qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.