Тәйвән сот мәһкимиси чен шүйбйәнни мәңгүлүк қамақ җазасиға һөкүм қилди

Тәйвән сот мәһкимиси җүмә күни сабиқ тәйвән президенти чен шүйбйән вә униң аилисиниң хиянәтчилик делоси үстидин һөкүм елан қилип, чен шүйбйән вә униң ханими ву шуҗинни мәңгүлүк қамақ җазасиға һөкүм қилди. Чен шүйбйәнгә 200 милйон, ву шуҗинға 300 милйон йеңи тәйвән доллири җәриманә қойди.
Мухбиримиз әркин
2009.09.11

Игилишимизгә қариғанда, сот мәһкимиси чен шуйбйәнниң оғли вә келинини айрим - айрим икки йерим йил вә бир йил 8 ай қамақ җазасиға һөкүм қилған.

Чен шүйбйән вә униң җәмәти дөләт мәхпийәтлик пулиға хиянәт қилиш, пул ююш, аммиви қурулушларда йолсизлиқ қилиш қатарлиқ җинайәтләр билән әйибләнгән иди. Чен шүйбйән җуңхуа минго тарихида хиянәтчилик билән әйиблинип, өмүрлүк қамақ җазасиға һөкүм қилинған тунҗи президент болуп һесаблиниду. Лекин чен шүйбйәнниң һөкүмгә наразилиқ билдүрүп, юқири дәриҗилик сот мәһкимисигә әрз қилиш һоқуқи бар.

Тәйвәндики охшимиған сиясий партийә - гуруһлар чен шүйбйән үстидин чиқирилған қарарға охшимиған пикир вә инкасларда болди. Гоминдаң партийиси сотниң қарариға һөрмәт қилидиғанлиқини билдүрүп, делоға пикир баян қилишни рәт қилған.

Демократийә тәрәққият партийиси болса, чен шүйбйән үстидин чиқирилған қарар өч елишни мәқсәт қилған сиясий ғәрәзлик қарар дәп қарайдиғанлиқини, униңға берилгән җазасиниң еғир болуп кәткәнликини билдүргән.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.