Кишилик һоқуқ паалийәтчиси ченвейға 9 йиллиқ қамақ җазаси берилди

23 - Декабир җүмә күни сичүән өлкиси сүйниң шәһәрлик оттура сот һоқуқ паалийәтчиси ченвейға “қутратқулуқ қилиш” җинайити артип, 9 йиллиқ қамақ җазаси бәрди
Мухбиримиз җүмә
2011.12.24

Ченвей торда елан қилған 4 парчә мақалиси сәвәблик бу йил феврал “әрәб баһари” инқилабиниң хитайғиму йетип келиш шәписи сезилгәндә қолға елинған иди.

Ченвейниң адвокати, сотниң 2:30 саәт давам қилғанлиқи, адвокатларниң йетәрлик дәлилләр билән ченвейни ақлашқа тиришқанлиқи, әмма, сот даирилириниң уларниң дегәнлирини нәзәргә алмиғанлиқини билдүрди.

Ченвейниң адвокати лияң шавҗүнниң билдүрүшичә, ченвейниң һөкүмнамиси оқуғанда ченвей: мән етираз билдүримән. Мән гунаһсиз. Қануний демократийә чоқум йеңду, мустәбитлик завал тапиду, дәп хитаб қилған.

Хитайда һөкүмәт халимайдиған пикирдики язғучи - мухбирлар әзәлдин зәрбә нишани болуп келиватқан болуп, журналист ғәйрәт ниязму 2009 - йилидики “5 - июл үрүмчи вәқәси” дин кейин хоңкоң мухбирниң зияритини қобул қилғанлиқи үчүн 15 йиллиқ қамақ җазасиға буйрулған иди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.