Әма паалийәтчи чен гуаңчеңниң җйәнигә берилгән 3 йиллиқ қамақ җазаси диққәт қозғиди

Америкида яшаватқан әма кишилик һоқуқ паалийәтчиси чен гуаңчениң җйәни йәни акисиниң оғли чен кегуйға өткән һәптә хитай соти тәрипидин 3 йил 3 айлиқ қамақ җазаси берилгән.
Мухбиримиз шөһрәт һошур
2012.12.04

Һөкүмдә униң җинайити сақчиларниң вәзипә иҗра қилишиға тосқунлуқ қилиш дәп бекитилгән вә униң қолиға пичақ елип сақчиларни өйидин қоғлап чиқириши җинайи пакит қилип көрситилгән. Чен кегуй, америка дипломатийә күчигә тайинип туруп хитайдин қутулдуруп чиққан әма кишилик һоқуқ паалийәтчиси чен гуаңчеңниң җйәни болғачқа, униң үстигә мәзкур сотниң җәряни мәвһум болғачқа, чен кегуйға берилгән җаза хәлқара җамаәтниң диққитини қозғиди.

Көпинчә көзәткүчиләр, мәзкур җазани хитай һөкүмитиниң чен гуаңчеңдин өч елиши дәп қаримақта. Бүгүн чен гуаңчең ройтиресниң бу һәқтики зияритини қобул қилип, сотниң мәзкур һөкүминиң адил болмиғанлиқини оттуриға қойди. У сөзидә җйәниниң сақчиларни пичақ билән өйидин қоғлишини йоллуқ һалда өзини қоғдаш дәп ақлиди.

Мәлум болушичә, чен гуаңчең ройтиресниң зияритини қобул қилғанда, әйни чағда анисиниң нәқ мәйданни тәсвирләп бәргән видио көрүнүшини мухбирға қоюп бәргән. Көрүнүштә баян қилинишичә, чен гуаңчең өйидин қачқандин бир күн кейин, йерим кечидә сақчилар униң өйигә бастуруп киргән вә чен гуаңчеңниң җйәнини калтәк билән уруп акисиниң из-дерикини сориған, бу чағда у ашхана өйдин пичақ көтүрүп чиқип сақчиларни өйидин қоғлап чиқарған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.