Чеңду вә тйәнҗин шәһәрлиридә бир түркүм кишиләр аммиви қаршилиқ һәрикити елип барди

Хитай компартийисиниң 18-қурултийи ечилиш алдида хитай даирилири аммиви қаршилиқ һәрикәтлириниң алдини елишқа пүтүн күчи билән тиришмақта.
Мухбиримиз шөһрәт һошур
2012-08-22
Share

Даириләр бир тәрәптин бихәтәрлик тәдбирлирини күчләндүрсә йәнә бир тәрәптин, вәзийәтниң назуклуқини өз бихәтәрлик күчлиригә билдүрүп, уштумтут вәқәләрниң алдини елиш вә вәқә йүз бәргәндә уни чоңайтивәтмәсликни алаһидә тәшәббус қилмақта.

Хәвәрләрдә билдүрүшичә, бейҗиңда сиясий өктичиләрниң тәқиб астиға елиниши, әрздарларниң юртлириға қайтурулуши вә қамақта тутуп турулуши, хитайниң 18-қурултай бихәтәрлик хизмитиниң бир қисмидур. Әмма даириләр вәзийәтни контрол қилишқа һәрқанчә әһмийәт бәрсиму, аммиви қаршилиқ һәрикәтлири йәнила айрим шәһәрләрдә йүз берип турмақта.

Бүгүн хитайниң чеңду шәһиридә 300 дин артуқ киши шәһәрлик һөкүмәт алдида топлинип, һөкүмәттин мәвҗутлуқ һоқуқи йәни яшаш һоқуқини тәләп қилған.

Мәлум болушичә, булар шәһәр қурулушлири давамида өйлири чеқилған вә яки мувапиқ төләмгә еришәлмигәнләр болуп, улар мәсилини өзлириниң мәвҗутлуқ һоқуқиниң дәхли-тәрузға учриши дәп қарайдиғанлиқини билдүрүшкән. Бүгүн йәнә хитайниң тйәнҗин шәһиридә нәччә онлиған әрздар шәһәрлик сиясий қанун комитетиға бесип кирип, комитеттики хадимлар билән җедәлләшкән. Радиомиз хитайчә бөлүминиң хәвәр қилишичә, бу әрздарлар, әрз-шикайәтлирини йиллардин бери даириләргә аңлиталмай келиватқан вә бу җәрянда сақчиларниң таяқ-тоқмақлириға учриғанлар икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт