Chéngdu we tyenjin sheherliride bir türküm kishiler ammiwi qarshiliq herikiti élip bardi

Xitay kompartiyisining 18-qurultiyi échilish aldida xitay da'iriliri ammiwi qarshiliq heriketlirining aldini élishqa pütün küchi bilen tirishmaqta.
Muxbirimiz shöhret hoshur
2012-08-22
Share

Da'iriler bir tereptin bixeterlik tedbirlirini küchlendürse yene bir tereptin, weziyetning nazukluqini öz bixeterlik küchlirige bildürüp, ushtumtut weqelerning aldini élish we weqe yüz bergende uni chongaytiwetmeslikni alahide teshebbus qilmaqta.

Xewerlerde bildürüshiche, béyjingda siyasiy öktichilerning teqib astigha élinishi, erzdarlarning yurtlirigha qayturulushi we qamaqta tutup turulushi, xitayning 18-qurultay bixeterlik xizmitining bir qismidur. Emma da'iriler weziyetni kontrol qilishqa herqanche ehmiyet bersimu, ammiwi qarshiliq heriketliri yenila ayrim sheherlerde yüz bérip turmaqta.

Bügün xitayning chéngdu shehiride 300 din artuq kishi sheherlik hökümet aldida toplinip, hökümettin mewjutluq hoquqi yeni yashash hoquqini telep qilghan.

Melum bolushiche, bular sheher qurulushliri dawamida öyliri chéqilghan we yaki muwapiq tölemge érishelmigenler bolup, ular mesilini özlirining mewjutluq hoquqining dexli-teruzgha uchrishi dep qaraydighanliqini bildürüshken. Bügün yene xitayning tyenjin shehiride nechche onlighan erzdar sheherlik siyasiy qanun komitétigha bésip kirip, komitéttiki xadimlar bilen jédelleshken. Radi'omiz xitayche bölümining xewer qilishiche, bu erzdarlar, erz-shikayetlirini yillardin béri da'irilerge anglitalmay kéliwatqan we bu jeryanda saqchilarning tayaq-toqmaqlirigha uchrighanlar iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet