Xitaydiki chet'ellik muxbirlarning xizmet qilish shara'iti nacharlashmaqta

Roytérs agéntliqining bildürüshiche, mezkur kulub özige eza muxbirlar üstidin ankétliq tekshürüsh élip barghan bolup, ankétqa qatnashqan 108 muxbirning 94 pirsenti xitayda xizmet qilishning barghanséri qiyinliship ketkenlikini, 70 pirsenti özlirining ötken yilqi xizmet jeryanida kashila we urup-soqushqa oxshash qopal mu'amilige uchrighanliqini bildürgen.

Xitay tashqi ishlar ministirliqining bayanatchisi bügün buninggha jawab bérip, mezkur kulubni “Toluq qanunluq emes”, dégen, emma u sözige, xitaydiki axbarat erkinlikining “Barghanséri yaxshiliniwatqanliqi” ni qoshup qoyghan. U mundaq dégen:
Eger u muxbirlar ehwal igileshte birer qiyinchiliqqa uchrighan bolsa, ministirliqimizning uchur-xewerler bölümi ularni normal qanallar arqiliq uchur bilen teminleshke teyyar.

Emma chet'ellik muxbirlar ankétta özlirige xewer bergen we yaki ular bilen alaqileshken kishilerning xitay da'iriliri teripidin qolgha élinip, soraqqa tartilghanliqi, urup-soqulghanliqi we yaki bashqa yollar arqiliq jazalan'ghanliqini bildürgen.

Xitay da'iriliri Uyghur we tibet rayonlirida muxbirlarning xewer élishini we kishilerning muxbirlargha xewer bérishini téximu qattiq kontrol qilmaqta. Bu ilgiri kishilik hoquq organlirining doklatliridimu otturigha qoyulghan. Uyghur zhurnalist gheyret niyaz ürümchi weqesi heqqide chet'ellik muxbirgha bayanat bergenliki üchün “Dölet mexpiyitini ashkarilash” jinayiti bilen 15 yilliq qamaq jazasigha höküm qilin'ghanliqi buning tipik misalidur.