Chilidiki yer tewreshte ikki milyon adem apetke uchridi

27 - Féwral küni yüz bergen latin amérikisi chili dölitidiki yer tewreshte ikki milyon ademning apetke uchrighanliqi hem ölgenlerning sanining 300 din ashqanliqi melum.
Muxbirimiz ümidwar
2010-02-28
Share

B b s agéntliqining bu heqtiki xewiride körsitilishiche, bu qétimqi yer tewreshning derijisi 8.8 Bal bolup, chilining paytexti we uning etrapidiki bir milyon 500 ming éghiz öy örülgen, nurghun qurulush we sana'et esliheliri weyran bolghan. Éléktir we alaqe liniyiliri üzülgen hem su toxtighan bolup, bundaq ehwal astida ölgüchilerning sanining barghanséri ashidighanliqi perez qilinmaqta.

Chili yanar tagh hadisiliri we yer tewresh da'im yüz bérip turidighan dölet iken. Xewerde éytilishiche, bu qétimqi yer tewreshte türme tamliri örülüp chüshkenliki üchün 260 din artuq jinayetchining türmidin qéchip kétish weqesimu yüz bergen iken.
 
Chilidiki yer tewreshtin kéyin tinch okyan boyidiki döletler déngiz dolqunlirining tuyuqsiz kötürülüsh ehwaligha asasen, éghir déngiz borini we tashqini yüz bérip, weyranchiliq keltürüp chiqirishtin mudapi'e körüsh heqqide jiddiy halet élan qilin'ghan.

Xewerlerde körsitilishiche, chili dunya boyiche eng köp mis ishlepchiqiridighan dölet bolup, yer tewresh tüpeylidin mis kanliri toxtighan. Bu ehwalning dunyadiki mis bahasigha tesir körsitishi mumkinliki perez qilinmaqta.

Nöwette, xelq'ara miqyasida chilidiki yer tewreshte apetke uchrighanlargha yardem bérish heriketliri bashlan'ghan.
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet