Chingxeyning yüyshu (gyégu) nahiyiside tibet ahalisi yer igiliwélishqa qarshi namayish qildi

Buningdin ikki yil awwal yer tewresh apitige uchrap öy-makani weyran bolghan chingxeyning yuyshu (gyégu) nahiyisidiki bir qisim tibetler naraziliq bildürüp, 2010‏-yili 14‏-aprél yüz bergen yer tewresh apitide weyran bolghan öy-makanlirini igiliwélishqa qarshi turghan.
Muxbirimiz erkin
2012.04.27
30 Dek erzdar tibet, nahiyilik hökümet binasining sirtidiki boshluqni igilep, yer tewresh apitide weyran bolghan öy-makanliridin waz kéchishke mejburlan'ghanliqi sewebidin, uning ornigha “Ékologiyilik sayahet merkizi” qurmaqchi bolghan yerlik da'irilerge naraziliq bildürgen.

Erzdarlarning roytérs agéntliqigha bildürüshiche, yerlik da'iriler tibetlerni asas qilghan 600 kishini mejburiy köchüridighanliqini bildürgen. Yer tewresh apiti yüz bérip ikki yil ötken bolsimu, biraq hazirgha qeder chédirda yashawatqan yerlik tibetler, öy-makanlirining yüyshu shehiridiki eng qimmet rayon'gha jaylashqanliqini ilgiri sürüp, bazar bahasida 800 ming somgha toxtaydighan yer-ziminlirigha hökümetning aran 220‏ ming som tölep bermekchi bolghanliqidin razi bolmighan.

Erzdarlardin bawbaw isimlik bir tibet puqrasi, “Néme üchün bu kochidiki hökümet emeldarlirining öy-makani saqlap qélinip, awam xelqning öy -makani chéqilmaqchi boluwatqanliqini chüshinelmiduq” dégen.

Yerlik tibetler gyégu dep ataydighan mezkur nahiyide 2010‏-yili 14-aprél yüz bergen yer tewresh apitide 3000 dek adem ölgen. Pütkül nahiyidiki 80% ahale chédirda yashashqa mejbur bolghan idi. Xitay hökümiti Uyghur élining chapchal qatarliq bir qisim jaylirigha öy sélip, yuyshu nahiyisining bir qisim xitay ahalisini köchürgen.

Bu d u q qatarliq Uyghur teshkilatlirining tenqidige uchrighan idi. Erzdarlardin jamdrol isimlik yene bir tibet roytérs agéntliqigha eskertip, “Men hökümetke bu zémin méning ikenlikini dawamliq dawa qilimen. Ular jénimni alsimu, buningdin hergiz waz kechmeymen” dégen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.