ئۇيغۇر ۋە قازاقلار ئۇيغۇر ئېلىدە چوڭ خەنزۇچىلىق بارلىقىنى بىلدۈردى

"ئۇيغۇربىز" تورىنىڭ خەۋەر قىلىشىچە، "ئۇيغۇربىز" تورى "ئۇيغۇر جەمئىيىتى ۋە مىللىي مەسىلە" دېگەن تېمىدا ئاممىنىڭ رايىنى سىناش ئېلىپ بارغان بولۇپ، 2010 - يىلى، 5 - ئايدىن 7 - ئايغىچە بولغان ئارىلىقتا شاڭخەي، ئۈرۈمچى، قەشقەر ۋە ئىلى قاتارلىق جايلارغا 1579 پارچە راي سىناش جەدۋىلى ئەۋەتىپ، راي سىناش ئېلىپ بېرىپ، ئۇنىڭ 1110 پارچىسىنى تاپشۇرۇۋالغان.
ﻣﯘﺧﺒﯩﺮﯨﻤﯩﺰ ﺋﯜﻣﯩﺪﯞﺍﺭ
2010-10-24
ئېلخەت
پىكىر
Share
پرىنت

بۇنىڭ ئىچىدە 767 پارچە جەدۋەلنى ئۇيغۇرلار، 210 پارچە جەدۋەلنى خىتايلار، 33 پارچە جەدۋەلنى قازاقلار تولدۇرغان. تەكشۈرۈش نەتىجىسىدە، مەزكۇر رايى سىنالغان ئۇيغۇرنىڭ 100%ئى شىنجاڭ ئۇيغۇر ئاپتونوم رايونىدا چوڭ خەنزۇچىلىق مەۋجۇت دەپ ھېسابلىغان. 87.9 % قازاق رايى سىنالغۇچى شىنجاڭدا چوڭ خەنزۇچىلىق مەۋجۇت دەپ قارىغان.

رايى سىنالغان ئۇيغۇرلارنىڭ ئىچىدە 34.27% ئۇيغۇر چوڭ خەنزۇچىلىق ناھايىتى ئېغىر، دەپ ھېسابلىغان.

ئۇيغۇر بىز تورى ئالدىنقى قېتىم ئۇيغۇرلارنىڭ دۆلەت ۋە مىللىي كىملىك چۈشەنچىسى ھەققىدە راي سىناش دوكلاتى ئېلان قىلغان ئىدى.

ئۇيغۇر بىز تورىدىكى مەلۇماتلاردا كۆرسىتىلىشىچە، ئىلگىرى بېيجىڭ مەركىزىي مىللەتلەر ئۇنىۋېرسىتېتىنىڭ ياڭ شېڭمىڭ ئىسىملىك بىر تۇڭگان پروفېسسورى ئۇيغۇر دىيارىدا راي سىناش ئېلىپ بېرىپ، 5 - ئىيۇلدىن كېيىن ئۇيغۇرلار بىلەن خەنزۇلارنىڭ مۇناسىۋىتىنىڭ ئەڭ ياخشى ئەھۋالدا ئىكەنلىكىنى ئېلان قىلغان ئىدى.

پىكىرلەر (0)
Share
تولۇق بەت