Uyghur we qazaqlar Uyghur élide chong xenzuchiliq barliqini bildürdi

"Uyghurbiz" torining xewer qilishiche, "Uyghurbiz" tori "Uyghur jem'iyiti we milliy mesile" dégen témida ammining rayini sinash élip barghan bolup, 2010 - yili, 5 - aydin 7 - ayghiche bolghan ariliqta shangxey, ürümchi, qeshqer we ili qatarliq jaylargha 1579 parche ray sinash jedwili ewetip, ray sinash élip bérip, uning 1110 parchisini tapshuruwalghan.
Muxbirimiz ümidwar
2010.10.24

Buning ichide 767 parche jedwelni Uyghurlar, 210 parche jedwelni xitaylar, 33 parche jedwelni qazaqlar toldurghan. Tekshürüsh netijiside, mezkur rayi sinalghan Uyghurning 100%i shinjang Uyghur aptonom rayonida chong xenzuchiliq mewjut dep hésablighan. 87.9 % Qazaq rayi sinalghuchi shinjangda chong xenzuchiliq mewjut dep qarighan.

Rayi sinalghan Uyghurlarning ichide 34.27% Uyghur chong xenzuchiliq nahayiti éghir, dep hésablighan.

Uyghur biz tori aldinqi qétim Uyghurlarning dölet we milliy kimlik chüshenchisi heqqide ray sinash doklati élan qilghan idi.

Uyghur biz toridiki melumatlarda körsitilishiche, ilgiri béyjing merkiziy milletler uniwérsitétining yang shéngming isimlik bir tunggan proféssori Uyghur diyarida ray sinash élip bérip, 5 - iyuldin kéyin Uyghurlar bilen xenzularning munasiwitining eng yaxshi ehwalda ikenlikini élan qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.