Чоңчиңда 5 яшлиқ балиниң машинида бесип өлтүрүлүшигә наразилиқ билдүргән амма тутқун қилинди

Өткән һәптә чоңчиң шәһириниң вушән наһийисидә йүзбәргән 5 яшлиқ балиниң машинида бесип өлтүрүлүш вәқәсигә наразилиқ билдүргән бир қисим амма сақчилар тәрипидин тутқун қилинған.
Мухбиримиз меһрибан
2012.02.28
Share on WhatsApp
Share on WhatsApp

Радиомиз хитай бөлүми игилигән учурлардин мәлум болушичә әйни чағда вәқәни пәйда қилғучи шопур балини соқуп яриландурғандин кейин, балини қутқузушниң орниға машинисини арқиға яндуруп, балини машинида бастуруп өлтүргән. Нәтиҗидә балиниң дадиси һәм ғәзәпләнгән нәччә миң амма, шопурни һәм вәқәни бир тәрәп қилиш үчүн кәлгән қатнаш сақчилирини қоршивалған. Һәм вәқә тезликтә кеңийип сақчи даирилири топлинип наразилиқ билдүргүчиләрдин 9 кишини “җәмийәт аманлиқини бузди” дәп әйибләп, тутқун қилған.

Чоңчиң сақчи даирилири вәқәни пәйда қилғучи шопурниң қанун бойичә қолға елинғанлиқини, наразилиқ һәрикитиниң тинчитилғанлиқини билдүргән. Әмма чоңчиңдики пуқраларниң билдүрүшичә, сақчи даирилири вәқә пәйда қилғучи шопурни қанат астиға алғанлиқи һәм балиниң җәситини қанун бойичә тәкшүрмәйла көйдүрүп бир тәрәп қилишқа мәҗбурлуқи бу қетимлиқ наразилиқ һәрикитиниң йүз беришигә сәвәб болғанлиқини илгири сүрди.

Нөвәттә бу вәқә өткән йили гуаңдуңда йүз бәргән нарәсидә қизни машинида бастуруш вәқәсидин кейин хитай тор бекәтлиридики йәнә бир муназирә темисиға айланған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.