Choshqa zukami tarqiliwatqan döletlerning sani 33 ke yetti

Dunya sehiye teshkilatning bügünki melumatigha qarighanda, choshqa zukami tarqiliwatqan döletlerning sani hazir 33 ke yetti. Choshqa zukami wirusi bilen yuqumlan'ghan bémar sani 5 ming 728ge yetti. Buningdin amérikida 3009, mékiskida 2059. Choshqa zukami bilen yuqumlan'ghan bémarlar hazir xitay, kuba qatarliq döletlerdimu bayqaldi.
Muxbirimiz weli
2009-05-13
Share

Dölet qanunida choshqa men'i qilin'ghan isra'iliyidimu choshqa zukami wirusi bilen yuqumlan'ghan bémar sani 7 ge yetti.

Frasiye agéntliqning bayan qilishiche, choshqa zukami wirusi hazir insanlarda héchqandaq mudapi'elinish tedbiri yoq (choshqa zukami waksinisi qollinimghan) ehwal astida tarqiliwatidu.

Bundaq xeter astida, her qaysi döletler yuqumluq choshqa zukamigha duchar bolghan bémarlargha bolghan ghemguzarliqni kücheytish bilen birge, insaniyetning ewlatlirini buningdin menggu xali qilish üchün waksina ishlewatidu we buning téximu keng tarqilip, xuddi 1919 ‏- yili ispaniyide 40 milyon ademni hayatidin ayrighandek éghir hadise kélip chiqishning aldini élish üchün dora zapisi teyyarlawatidu.
 
Hazir dunya méqyasida qolliniliwatqan choshqa zukami saqlinish tedbiriliridin qarighanda, bundaq yuqumluq késel ademdin haywanatqimu, haywanattin ademgimu beden arqiliq yaki hawa arqiliq yuqiwiridu. Uning késellik alametliri adetiki zukamning yaki qush zukamining alametlirige oxshap kétidu. Buni bayqash-perqlendürüsh we dawlash yuqiri pen - téxnika telep qilidu.

Hazirqi ehalda, choshqa zukami wirusi yuqushtin saqlinishning addi charisi put-qolni, bedenni pakize tutush we adettiki zukam alametlirige hergiz sel qarimasliqtin ibaret.



Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet