Хитай билән русийә хәлқарада чошқа зуками тарқилиштин пайдилинип сода қоруқчилиқи қилиш билән тәнқидкә учриди

Б б с ниң сәйшәнбә хәвәр қилишчә, йәр шари миқясида чошқа зуками тарқалғандин буян, мәзкур юқумлуқ кесәлгә қарита, бир тәрәплимә қараш һәм илмий болмиған тонушлар сәвәблик хитай вә русийигә охшаш бир қисим дөләтләр дәсләп чошқа зукам байқалған мексика һәмдә америка қатарлиқ дөләтләрдин чошқа гөши һәм чошқидин ишләнгән йемәкликләрни импорт қилишни чәклигәнлики, бу дөләтләр билән сода һәмкарлиқи бар нурғун дөләтләр тәрипидин"бу бир пурсәттин пайдилинип сода қоруқчилиқ қилғанлиқ," дәп әйибләнмәктә.
Мухбиримиз гүлчеһрә
2009.05.05

Әмәлийәттә дуня сәһийә тәшкилати һәмдә хәлқарадики мутәхәссисләр чошқа зукаминиң чошқа гөши истимал қилиш билән юқмайдиғанлиқини оттуриға қоюп, H1N1 типлиқ инсанийәткә тәһдит селиватқан бу юқумлуқ зукамниң атилиши билән кишиләрдә чошқидин һәзәр әйләш сәвәблик дуня иқтисадиға сәлбий тәсирләр елип келишиниң алдини елиш үчүн чошқа зукаминиң атилишини а типлиқ H1N1 юқумлуқ зуками қилип өзгәрткән иди.

Буниң алдида хитай мексика һәмдә америкидин чошқа гөши һәм чошқа гөши мәһсулатлирини импорт қилишни тохтатқанлиқини елан қилди, арқидинла русийиму канада, америка һәмдә мексикидин чошқа гөши һәмдә чошқа гөшидин ишләнгән йимәкләрни импорт қилишни тохтатқан иди.

Нөвәттә яврупа бирлики русийини, у чошқа гөши импорт қилишни чәклигән дөләтләр билән мурәссәләштүрүш йолида икән.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.