Chungching shehiri hazir chong dawalghush ichide

Chungching shehiri tünügündin bashlap chong dawalghush ichide turuwatidu.
Muxbirimiz weli
2012.04.11

Tünügün (seyshenbe küni) chungching shehiride onminglighan adem kochilargha chiqip, wenshéng rayoni bilen ju'enjang rayoni qoshuwétilgendin kéyin puqralar behrimen bolidighan parawanliq öksüp qalghanliqigha naraziliq bildürüp namayish qilghan. Namayishchilar bilen saqchilar bilen otturisida toqunush yüz bergen. Bügün etigen sa'et 8 din bashlap yene onminglighan adem kochilargha qarap éqishqa bashlighan.

Xitay kishilik hoquq uchur merkizi radi'omizgha ewetken uchurlargha we foto resimlerge qarighanda, tünügünki namayish yérim kéchigiche dawamlashqan, bügün xitayning qoralliq saqchi qisimliri qollirigha qalqan we toqmaq tutup hemme qatnash tügünlirini qamal qiliwalghan.

Bügünki namayishning da'irisi tünügünkidin chong. Xitayning qoralliq saqchi qisimliri namayishchilargha yash aqquzush bombisi qollan'ghan we namayishchilarni kaltekligen, 50 tin artuq namayishchini yarilandurghan. Bezi kochilarda namayishchilar örüwetken saqchi aptomobilliri körünidu.

Méhmanxana xizmetchilirining téléfon arqiliq teswirlishiche, bügün chungchingning kochiliridiki dukanlarning mutleq köp sanliqi taqalghan. Azadliq armiye aptomobilliri 303‏-nomurluq chong yolda charlash élip bérishqa bashlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.