Dalay lama 3 künlük kanada ziyaritini bashlidi

Tibetlerning rohaniy dahiysi dalay lama kanadadiki 3 künlük ziyaritini bashlidi. U, 22 - öktebir kanadaning toronto shehiride 30 ming etrapida tingshighuchi qatnashqan bir yighilishta söz qilip, mesililerni di'alog yoli bilen hel qilish kéreklikini tekitlidi.
Muxbirimiz jume
2010.10.23

Dalay lama, urushning dunya tinchliqigha éghir derijide buzghunchiliq qilghanliqi we 20 - esirdiki urushlarda 200 milyondin artuq ademning hayatidin ayrilghanliqini körsetti. U, 21 - esir ewladlirining bextlik, tinch we muhebbetlik dunya qurup chiqishta exlaqiy mejburiyiti barliqini ilgiri sürdi.

Kanadadiki tibetlerning medeniyet merkiziy tarqatqan xewerlerge qarighanda, dalay lama 23 - öktebir torontoda mezkur merkezning échilish murasimigha qatnishidiken we merkezning resmiy ish bashlighanliqini jakarlaydiken.

Kanadadiki tibetlerning medeniyet merkizi 2008 - yili 17 - öktebir qurulghan bolup, merkez kanadaning ontari'o shtati étobikoké shehirige jaylashqan. Melum bolushiche, nöwette ontari'o shitatida 4 mingdin artuq tibetlik bar bolup, mezkur merkez tibet medeniyitini tarqitish we saqlash meqsitide qurulghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.