Тибәт роһаний даһийси далай лама чаршәнбә күни вашингтонға йетип келип, диний паалийитини башливәтти

Тибәт роһаний даһийси далай лама вашингтонда диний паалийәтләрдә болуш үчүн сәйшәнбә күни америка пайтәхтигә йетип кәлди.
Мухбиримиз әркин
2011-07-06
Share

Униң сәйшәнбә күндин башлап 11 күн вашингтонда қалидиғанлиқи вә бу җәрянда диний мурасим вә тибәт буддизими һәққидә диний тәблиғ сөзләйдиғанлиқи билдүрүлди. У чаршәнбә өзиниң 76 яшқа киргән туғулған күнини вашингтонда күтүвалди. У өзиниң тунҗи диний тәблиғини вашингтондики вәризон мәркизидә сөзләйдикән.

Далай лама келәр дүшәнбә күни әркин асия радиосини зиярәт қилип, бу йәрдә нутуқ сөзләйду. Бу далай ламаниң бу йил тибәт сәргәрдан һөкүмитиниң сиясий рәһбәрлик һоқуқини өткүзүп бәргәндин буян тунҗи қетим вашингтонни зиярәт қилиши вә мәзкур шәһәрдә әң узун вақит туруп қелиши болуп һесаблиниду.

Хәвәрләрдин мәлум болушичә, далай лама бу җәрянда йәнә америка дөләт мәҗлис әзалири билән көрүшиду. Лекин президент обаманиң уни қобул қилидиған-қилмайдиғанлиқи һазирға қәдәр ақсарай тәрипидин елан қилинмиди.

Көзәткүчиләр, президент обама далай лама билән көрүшсә, бу хитайниң ғәзипини қозғайдиғанлиқини илгири сүрмәктә. Лекин америка авам палатасиниң җумһурийәтчи рәиси җон бейнир вә авам палатасиниң демократик аз санлиқ рәһбири нәнси пәлусиниң униң билән пәйшәнбә күни көрүшидиғанлиқи билдүрүлди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт