Далай лама японийә парламент әзалирини тибәткә берип һеқиқи әһвални көрүшкә чақирди

Тибәтләрниң роһаний даһийси далай лама 13-ноябир күни японийә дөләт мәҗлисидә доклат берип, йиғинға қатнашқан 233 нәпәр парламент әзасидин тибәткә берип, тибәтләр йүзлиниватқан һеқиқи әһвални өз көзи билән көрүшкә чақирди.
Мухбиримиз меһрибан
2012.11.13

Б б с агентлиқиниң хәвәр қилишичә, далай ламаниң доклатини аңлашқа японийә парламент әзалиридин башқа йәнә японийидики тибәт вәзийитигә қизиққучиларму кәлгән болуп, далай ламадин кейин японийә парламент әзалири вәкиллириму тибәттә давамлишиватқан тибәтләрниң өзини көйдүрүп наразилиқини ипадиләш һәрикәтлири вә хитайниң тибәт сиясити һәққидә тохталған.

Далай ламаниң тибәтләрниң өзини көйдүрүш һәрикити һәққидә японийә дөләт мәҗлисидә бәргән доклати хитай һөкүмитини нарази қилған болуп, 13-ноябир чүштин кейин хитай ташқи ишлар баянатчиси хоң лей баянат берип, далай ламани бөлгүнчилик паалийити билән шуғуллиниватиду дәп әйиблиди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.