Dalay lama amérika ziyaritini bashlidi

Tibet rohaniy dahiysi dalay lama seyshenbe küni ténnissi shtatining mémfis shehirige yétip kélip, shimali amérikida élip baridighan ikki heptilik ziyaritini bashlidi.
Muxbirimiz erkin
2009-09-24
Share

U, tünügün 60 ‏ - yillardiki amérika xelq hoquqi herikitining rehbiri martin lutir king süyqestke uchrighan qonuqxanidiki xatirilesh murasimigha qatniship, martin lutir kingning ölümi bir köngülsizlik, lékin ademge ilham béridighan bir weqe, dégen. Igilishimizge qarighanda dalay lama bu sepiride amérika we kanadani ziyaret qilip, lama diniy telimati toghrisida teblix sözleydu.

U bu sepiride washin'gtonni ziyaret qilishi mumkin. Lékin uning washin'gtonda amérika prézidénti barak obama bilen körüshelmeslik éhtimali bar.

Yéqinda amérika prézidéntining yuqiri derijilik bir wekiller ömiki dalay lamaning daramsaladiki qarargahini ziyaret qilip, prézidént obamaning bu mesilidiki özürxahliqini yetküzgen idi. Dalay lamaning amérika sepiri obamaning b d t omumi qurultiyida xitay dölet re'isi xu jintaw bilen uchrishidighan, 11 ‏ - ayni xitayni ziyaret qilidighan shundaqla amérika nurghun xelq'ara mesililer we iqtisadi sahede xitay bilen hemkarlishishqa éhtiyaji chüshüwatqan mezgilge toghra kelgen idi.

Analizchilar, obamaning dalay lamani qobul qilish ishi obamaning 11 ‏ - aydiki xitay ziyaritidin kéyinki bir mezgilge toghrilinishi mumkin, dep qarashmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet