Далай лама: 'йәр шари килимат мәсилиси чоқум биринчи орунға қоюлуши керәк'

Далай лама бу сөзләрни австралийидә елип бериватқан зиярити җәрянида оттуриға қойған. У, австралийигә муһит вә универсал мәсулийәт тоғрисида лексийә сөзләшкә кәлгән.
 
Дөләт рәһбәрлириниң, дөләт мәнпәәти вә иқтисади мәнпәәт қатарлиқларни биринчи орунға қоюп, йәр шари килимат өзгириши мәсилисини иккинчи орунға қойидиғанлиқини илгири сүргән далай лама: " бу чоқум ислаһ қилиниши керәк. Йәр шари мәсилиси чоқум биринчи орунға қоюлуши керәк" дегән.
 
У йәнә, келәр ай копенһагенда ечилидиған йәр шари килимат өзгириши муһакимә йиғининиң кишини толиму риғбәтләндүридиғанлиқини қошумчә қилған.

7 - Декабирдин 18 - декабирғичә данийиниң копенһаген шәһиридә бирләшкән дөләтләр тәшкилати уюштурған йәр шари килимат өзгириши мәсилиси тоғрисидики илмий муһакимә йиғини чақирилиду.