Копенһагенда гуннар яриң вапатиниң 10 йиллиқиға беғишланған “қәшқәргә қайта зиярәт” темисида бир муһакимә йиғини өткүзүлмәкчи

Данийидики копенһаген университетида мәшһур түрколог гуннар яриң вапатиниң 10 йиллиқиға беғишланған “қәшқәргә қайта зиярәт” темисида бир муһакимә йиғини өткүзүлмәкчи.
Мухбиримиз җүмә
2012.04.21
Share on WhatsApp
Share on WhatsApp

Йиғинни копенһаген университети асия тәтқиқат мәркизи уюштурған болуп, йиғин 10 - майдин 12 - майғичә икки күн ичилидикән.

Йиғинға америка, данийә, японийә, әнглийә вә түркийә қатарлиқ дөләтләрдики түрколог вә уйғуршунас тәтқиқатчилар қатнишидикән.

Йиғинға уйғур алими әсәт сулайманвә доктор раһилә давутниңму қатнишидиғанлиқи илгири сүрүлмәктә.

Гуннар яриң шветсийилик дипломат вә түрколог. У өзиниң аспирантлиқ илмий мақалисини тамамлаш үчүн 1929 - ,1930 - йиллири арилиқида қәшқәргә кәлгән вә уйғур тилини тәтқиқ қилған.

Униң уйғурлар һәққидә язған илмий әсәрлирини интайин көп, у 1978 - йили қәшқәргә қайта келиш пурситигә еришкә вә 29 - йилидики көргән билгәнлири асасида “қәшқәргә қайта сәпәр” намлиқ әсәрни язған. Униң бу әсири уйғурларға бирқәдәр көп тонуштурулған әсәрләрниң бир дәп қарилиду.

Гуннар яриң 2002 - йили 29 - май вапат болған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.