Ehmet dawud'oghlu shi jinping bilen bolghan uchrishishida Uyghurlarning ikki dölet arisidiki dostluq köwrüki ikenlikini tekitlidi

Türkiye tashqi ishlar ministiri ehmet dawud'oghlu düshenbe küni xitayning mu'awin dölet re'isi shi jinping bilen uchrashqan. Uchrishish xitay xelq qurultéyining shinjang zalida élip bérilghan.
Muxbirimiz irade
2010-11-01
Élxet
Pikir
Share
Print

Shinxu'a agéntliqi bu heqtiki xewer qilishiche, shi jinping uchrishishtiki sözide kéler yili türkiye bilen xitayning diplomatik munasiwet ornatqanliqining 40 yilliqi munasiwiti bilen ikki dölet arisidiki istratégiyilik ortaqliqni küchlendürüp, ortaq tereqqiyatni emelge ashurushni tekitligen. Shi jinping yene, "sherqiy türkistan bölgünchilirining Uyghur rayonining tinch tereqqiyatigha ziyan yetküzüwatqanliqi" ni, xitayning döletning pütünlükini qet'iy qoghdaydighanliqini éytqan.

Türkiye tashqi ishlar ministiri ehmet dawud'oghlu bolsa uchrishishta özining qeshqer we ürümchidiki ziyaritidin intayin memnun bolghanliqini, Uyghurlarning ikki dölet arisidiki dostluq köwrüki ikenlikini tekitligen.

Shinxu'a agéntliqi bu heqtiki xewiride, "türkiye sherqiy türkistan bölgünchilirining türkiye zéminidiki herqandaq pa'aliyitige yol qoymaydighanliqi, üch xil küchlerge ortaq zerbe béridighanliqi heqqide wede berdi" dep bayan qilghan.

Emma, türkiyidiki "gézit 5" qatarliq axbarat wastilirida bu heqte chiqqan xewerlerdin melum bolushiche, dawud'oghlu shi jinping bilen uchrishishida Uyghurlarning türk xelqning tughqini ikenlikini, türkiyining Uyghurlar bilen bolghan munasiwetni tereqqiy qildurushni arzu qilidighanliqini tekitligen. U Uyghurlarni türkiye bilen xitay arisidiki hemkarliq munasiwitide bir köwrük dep qaraydighanliqini we Uyghurlar bilen medeniy munasiwetlirini tereqqiy qildurushni arzu qilidighanliqini otturigha qoyghan.

Igilinishiche, türkiye tashqi ishlar ministiri ehmet dawud'oghlu ete xitay tashqi ishlar ministiri yang jéchi bilen uchrashqandin kéyin, mexsus ayropilan bilen türkiyige qaytidiken.

Toluq bet