Хәлқара кәчүрүм тәшкилати дилшат пәрһатни қоюп бериш һәққидә имза топлаш һәрикити башлиди

Хәлқара кәчүрүм тәшкилати түнүгүн мәхсус бир чақириқнамә елан қилип, диярим ториниң башқурғучиси дилшат пәрһатниң қоюп берилиши һәққидә хитай һүкүмитигә тәклип сунуш вә имза топлаш һәрикити башлиди. Чақириқнамидә, дилшат пәрһат, нур әли вә ниҗат азад қатарлиқ тор башқурғучилири виҗдан мәһбуслири дәп атилип, уларниң адаләтсиз сотланғанлиқи вә үстидин һәқсиз һөкүм чиқирилғанлиқи баян қилинди. Мәзкур тәшкилат дуняниң һәр қайси җайлиридики әзалири вә тәрәпдарлириға хитап қилип, уларни дилшат пәрһат қатарлиқ виҗдан мәһбуслириниң қоюп берилиши үчүн хитай һөкүмитиниң алақидар даирә вә органлириға хәт йезиш вә телефон қилишқа чақирди. Чақириқнамидә, 5 - июл вәқәсиниң баш - ахири вә уйғур райониниң нөвәттики вәзийити һәққидә мәлуматлар берилди.
Мухбиримиз шөһрәт һошур
2010.08.03
Share on WhatsApp
Share on WhatsApp

Виҗдан мәһбуслири дегән аталғу хәлқарада, җамаәт вә хәлқләрниң мәнпәәти үчүн сөз қилған вә пкир баян қилған вә бу сәвәблик җазаға учриған мәһбуслар үчүн қоллинилиду. Чақириқнамида 15 йиллиқ кесилгән ғәйрәт нияз вә муддәтсиз кесилгән гулмирә имин қатарлиқ тар башқурғучилириму виҗдан мәһбуслири дәп аталған.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт