Хитай америкиниң диний әркинлик доклатиға наразилиқ билдүрди

Хитайниң шинхуа агентлиқи бүгүн мақалә елан қилип, америкиниң хитай һәққидә елан қилған 2012-йиллиқ диний әркинлик доклатиға наразилиқ билдүрди.
Мухбиримиз меһрибан
2012-07-31
Елхәт
Пикир
Share
Принт

Шинхуа агентлиқиниң баш мақалисидә «америка доклатида җуңгониң диний әмәлийитини нәзәргә алмай, чәтәл мәтбуатлириниң бир тәрәплимә хәвәрлири һәм бир қисим хитайға қарши тәшкилатларниң доклатлирини асас қилған» дегән баянлар берилип, америка қатарлиқ ғәрб әллири «җуңгониң ички ишлириға арилашти» дәп әйибләнди.

Америка дөләт ишлар министирлиқиниң 30-июл дүшәнбә күни елан қилған 2012‏-йиллиқ диний әркинлик доклатида, хитай һөкүмитиниң «қанунсиз диний паалийәтләрни чәкләш» намида, хитайдики тибәт буддистлири, уйғур мусулманлири, христиан муритлири вә фалунгоң муритлириниң бастурулуватқанлиқини әйиблигән иди.

Доклатта йәнә 2011-йилида хитай һөкүмитиниң тибәт вә уйғур аптоном районида диний әркинликни давамлиқ қаттиқ бастурғанлиқи, диний паалийәтләрни контрол қилидиған қаттиқ бәлгилимиләрни түзүп, иҗра қилғанлиқи вә диний әркинликкә еғир чәклимә қойғанлиқи тәнқидләнгән иди.

Пикирләр (0)
Share
Толуқ бәт