Xitay amérikining diniy erkinlik doklatigha naraziliq bildürdi

Xitayning shinxu'a agéntliqi bügün maqale élan qilip, amérikining xitay heqqide élan qilghan 2012-yilliq diniy erkinlik doklatigha naraziliq bildürdi.
Muxbirimiz méhriban
2012-07-31
Élxet
Pikir
Share
Print

Shinxu'a agéntliqining bash maqaliside "Amérika doklatida junggoning diniy emeliyitini nezerge almay, chet'el metbu'atlirining bir tereplime xewerliri hem bir qisim xitaygha qarshi teshkilatlarning doklatlirini asas qilghan" dégen bayanlar bérilip, amérika qatarliq gherb elliri "Junggoning ichki ishlirigha arilashti" dep eyiblendi.

Amérika dölet ishlar ministirliqining 30-iyul düshenbe küni élan qilghan 2012‏-yilliq diniy erkinlik doklatida, xitay hökümitining "Qanunsiz diniy pa'aliyetlerni cheklesh" namida, xitaydiki tibet buddistliri, Uyghur musulmanliri, xristi'an muritliri we falun'gong muritlirining basturuluwatqanliqini eyibligen idi.

Doklatta yene 2011-yilida xitay hökümitining tibet we Uyghur aptonom rayonida diniy erkinlikni dawamliq qattiq basturghanliqi, diniy pa'aliyetlerni kontrol qilidighan qattiq belgilimilerni tüzüp, ijra qilghanliqi we diniy erkinlikke éghir cheklime qoyghanliqi tenqidlen'gen idi.

Toluq bet