Diniy mehbus yarmemet tudaxunning ehwalidin a'ilisi 2 yil xewersiz qalghan

Nöwette, shixudiki bir türmide qamaqliq yarmemet tudaxun buningdin 5 yil awwal atalmish“Qanunsiz diniy küchlerge iqtisadiy yardem qilghan” dégen eyiblesh bilen qolgha élinip qamaq jazasigha höküm qilin'ghan.

Yarmemetning qamaq jazasi bu yil 9-ayda toshidu. Biraq uning a'ilisi 2 yil awwal türmige bérip yoqlap kelgendin buyan, uningdin héchqandaq xewer alalmighan. Yarmemetning ayalining éytip bérishiche, u éri qolgha élin'ghandin kéyin 3 perzenti bilen yölenchüksiz qélip, xeqlerning kir-qétini yuyush, nénini yéqish qatarliq ishlar bilen tirikchilik qilip kelgen. U, érining burun öpke yallughi barliqini, 2 yil awwal uni yoqlap barghanda uning oruqlap bir tire, bir ustixan bolup qalghanliqi, shunga érining saq-salamet chiqishini endishe ilikide kütüwatqanliqini bildürdi.

Xitay da'iriliri“ 11‏-Séntebir weqesi” din kéyin, Uyghur élide siyasiy öktichiler, musteqilliq pikridiki Uyghurlarni, diniy zatlar we diniy pa'aliyetlerni qattiq basturushqa bashlighan. Ghuljida saqal qoyghan Uyghurlarni “Yoshurun tehdit” dep qarap basturghan idi.

Yarmemet tudaxun 2007‏-yili bir ropash ayalgha pul yardem qilghanliqi üchün qolgha élinip, atalmish “Qanunsiz diniy küchlerge yardem qilghan” dégen eyiblesh bilen qamaqqa höküm qilin'ghan.