Ilham toxti dinsizlashturush siyasitining Uyghur yashlirini étiqad we en'enidin uzaqlashturuwatqanliqini bildürdi

Gherbliklerning diniy bayrimi bolghan rojistiwa bayrimi mezgilide, xitaydiki ammiwi tor béketliride xitay yashliri arisida ewj éliwatqan rojistiwa bayrimini ötküzüsh qizghinliqi heqqide munaziriler köpeygen. Xitaydiki Uyghur tordashlarmu bu munazirilerge qatnashqan bolup, tor béketliride "Uyghurlar rojistiwa bayrimi ötküzse bolamdu" dégen témida talash - tartishlar köpeygen.

2012-12-25
Share


Tordashlarning beziliri rojistiwa bayrimi we ashiq - meshuqlar bayrimigha oxshash gherb dunyasidiki xristi'an bayramlirini medeniyet süpitide qobul qilishni teshebbus qilsa, yene beziler Uyghur medeniyiti we musulmanlarning diny étiqadigha yat bolghan herqandaq bayramni qobul qilmasliqni teshebbus qilghan.

Merkizi milletler uniwérsitétining dotsénti, musteqil tetqiqatchi ilham toxti ependi bügün Uyghur biz tor békitide bu heqte öz qarishini otturigha qoyup,"Yéqinqi yillardin buyan xitayda barghanche kücheytiliwatqan dinsizlashturush siyasiti hem Uyghur rayonida tereqqi qildurush namida élip bériliwatqan sheherlerni kéngeytish siyasiti sewebidin sheher merkizidin chetneshtürülgen Uyghur jem'iyitining étiqad we medeniyet qatlimi buzghunchiliqqa uchrap, Uyghur yashlirida öz en'enisidin yiraqlishish, qaymuqush ehwallliri körülüshke bashlidi. Undin bashqa, rayonda élip bériliwatqan tereqqiyattin mehrum qaldurulghan Uyghurlar arisida ishsizliqmu ewj aldi. Bu xil ehwal Uyghur jem'iyitide öz medeniyiti we étiqadini qoghdap qélish éngini kücheytip, tereqqiyattin chetleshtürülgenlikini hés qilghan Uyghurlar arisida naraziliq keypiyatini barghanche kücheytmekte." dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet