Xelq'ara kechürüm teshkilati 'diyarim' tor békitining tehriri dilshat perhatni derhal qoyup bérishke chaqirdi

Xelq'ara kechürüm teshkilati peyshenbe küni jiddi bayanat élan qilip, xitay hökümitidin 8 ‏ - ayning 7 ‏ - künidin béri iz déreki bolmighan "diyarim" tor békitining tehriri dilshat perhatni shertsiz derhal qoyup bérishni telep qildi.
Muxbirimiz erkin
2009-10-01
Élxet
Pikir
Share
Print

Merkizi londondiki mezkur kishilik hoquq teshkilati yene xitay da'irilirini perhatning qeyerde tutup turuliwatqanliqi we uning hazirqi qanuni ornini mu'ayenleshtürüshke chaqirip, da'irilerdin dilshat perhatning ten jazasi we kemsitishke uchrimasliqigha kapaletlik qilishni telep qildi.

Kechürüm teshkilatining eskertishiche, bashqilar dilshat perhatni 7 ‏ - awghust küni öyidin chaqirip chiqip ketkendin béri héchqandaq iz dériki bolmighan. Buningdin burun saqchilar uning 5 ‏ - iyul weqesi bilen bolghan alaqisini sürüshtürüp, bir qanche kün soraq qilghandin kéyin "mesilisi yoq" dep qoyup bergen iken.
 
Xitay hökümiti 5 ‏ - iyul weqesi yüz bérip bir qanche sa'ettin kéyin rayondiki barliq tor betlirini taqap, rayonning sirt bilen bolghan téléfon alaqisini üzüp tashlighan idi.

Dunya Uyghur qurultiyi 5 ‏ - iyul weqesi we uningdin kéyinki basturush herikitide az dégende 10 ming Uyghurning iz déreksiz yoqalghanliqini élan qilip, xelq'ara jem'iyetni weziyetke arlishishqa chaqirghan.

Xelq'ara kechürüm teshkilati dilshat perhat heqqidiki bayanatida yene da'irilerni dilshatning adwokat teklip qilishi, a'ilisidikiler bilen uchrishishi we tibbiy yardemge érishishigha kapaletlik qilishqa ündigen.
 
Toluq bet