Diyarim torining sahibi dilshat perhat iz ‏- déreksiz yoqulup ketti

Xitay hökümiti Uyghur tor béketliridin diyarim tori bilen Uyghurbiz torini 5 ‏ - iyul weqesini qutritish bilen eyibligen idi.
Muxbirimiz shohret hoshur
2009-10-27
Élxet
Pikir
Share
Print

Diyarim tor béti dilmurat perhat we dilshat perhattin ibaret aka - ukilar teripidin qurulghan bolup, nöwette bulardin dilshat perhat iz - déreksiz ghayip؛ akisi dilmuratning bildürüshiche, dilshat perhat 24 - iyul küni tutqun qilinip bir hepte soraq qilin'ghan we gunahsiz dep qarilip qoyuwétilgen؛ arqidin bir qanche kün ötkende yeni 7 - awghust küni dilshat perhat ikkinchi qétim tutqun qilin'ghan we hazirgha qeder uningdin héchqandaq uchur élish mumkin bolmighan. Chet'ellerdiki axbarat organliri we kishilik hoquq teshkilatliri bu heqte sürüshtürüshke bashlidi.

Inisining teqdiridin jiddiy endishe qiliwatqan dilmurat perhat nöwette xelq'aradiki alaqidar teshkilatlargha murajet sunup, inisi dilshat perhatning nöwettiki ehwalidin melumat élish we uning qoyuwétilishi üchün yardem soridi.

Nöwette en'gliyidiki manchéstér sheher uniwérsitétida oquwatqan dilmurat perhat, inisining hazirgha qeder xitay hökümitige qarshi pa'aliyetlerge qatnishish we qollashtin özini uzaq tutup kelgenlikini؛ shundaqtimu, ziyankeshlikke uchrashtin xaliy bolalmighanliqini eskertti.
 
Gheyriy resmiy melumatlardin qarighanda, nöwette ürümchide bezi Uyghurlar kéchiliri özlirini saqchi dep tonushturghan namelum kishiler teripidin tutup kétilmekte. Yene bezi jaylarda xitay puqralirining Uyghurlarning öyige saqchi formisi bilen kirip ziyankeshlik qilghanliqimu bilinmekte. Mana bu ehwal tutqunlarning a'ile - tawabatini jiddiy shekilde endishige salmaqta.
 
Toluq bet