Amérika hökümiti dolqun eysani chégridin kirishke ruxset qildi

Xitay hökümiti teripidin ilgiri “Térrorluq” bilen eyiblinip tizimgha kirgüzülgen dunya Uyghur qurultiyining bash katipi dolqun eysa 9 - noyabir küni axshimi amérika Uyghurliri birleshmisining qurultiyigha qatnishish we Uyghur jama'iti bilen yüz körüshüsh üchün gérmaniyidin ayrilip, amérika paytexti washin'giton'gha yétip keldi.
Muxbirimiz ümidwar
2012.11.11


Adwokat nuri türkel ependining tonushturushiche, u, ilgiri amérikigha kélish üchün seperge chiqip, amérikining washin'gton dallas ayrodromida chégridin kirgüzülmey arqigha qayturiwétilgen idi. Amérika démokratiyini ilgiri sürüsh fondi qatarliq orunlarning otturigha chiqishi hemde adwokat nuri türkelning biwasite adwokatliq qilishi bilen amérika tashqi ishlar ministirliki dolqun eysaning amérikigha kirishige ruxset qilghan.

Dolqun eysaning amérikigha kirishini izchil telep qilip kelgen dunya Uyghur qurultiyining re'isi rabiye qadir xanim dolqun eysaning amérikigha kirishke ruxset qilinishi munasiwiti bilen amérika hökümitige rehmitini bildürüp, buning amérika hökümitining Uyghurlarning élip bériwatqan küreshlirini hergizmu xitaygha oxshash térrorizmning bir qisimi dep qarimaydighanliqi shuningdek amérikining Uyghur xelqighe bolghan qollishi ikenlikini körsetti.

Dolqun eysa ependi özining bu qétim amérikigha kirish imkaniyitige ige bolup, bu yerdiki jama'et bilen körüsheligenliki we qurultaygha qatnashqanliqidin nahayiti xushal bolghanliqi hemde amérika hökümitige bolghan rehmitini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.