Дуня сода тәшкилати: "хитайниң бәлгилимилири дуня сода тәшкилати принсиплириға хилап "

Америка тәрәп чаршәнбә күни, хитайниң бир қисим америка маллириға қарита қойған чәклимилири һәққидә ечилған сотта утуп чиқти.
Мухбиримиз җүмә
2009-08-12
Share

Хитай һөкүмити, америкида нәшр қилинған китаб, CD, DVD пластинкилири вә компютер оюнлирини хитайға импорт қилиш вә хитайда сетиш һоқуқини дөләт игидарчилиқидики ширкәтләрдин башқиларға берилмәйдиғанлиқини бекиткән.

Америка сода даирилири, хитай тәрәп бекиткән бу бәлгилимиләрниң дуня сода тәшкилатиниң принсиплириға хилап икәнликини көрсәткән вә бу йил июлда дуня сода тәшкилатиға әрз йоллиған.

Бүгүн, дуня сода тәшкилати қарар чиқирип хитайниң юқириқи бәлгилимилириниң дуня сода тәшкилати принсиплириға хилап икәнликини көрсәтти.

Волстрит журнили гезитидә көрситишичә, америка сода вәкили рон кирк, мәзкур қарарниң хитайда америка маллириға кәң йол ачидиғанлиқини билдүргән.
 
Америкида сода саһәси йиллардин бери, хитайниң дуня сода тәшкилати бәлгилимилири вә әқлий мүлүк һоқуқи қануниға хилап һалда, америка маллирини хитайда қанунсиз көпәйтип сетип, америка ширкәтлиригә еғир зиян салғанлиқини оттуриға қоюп кәлгән иди.

Һалбуки бу нөвәтлик сотта бу һәқтә ениқ қара чиқирилмиған.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт