Д у қ уйғур аптоном районлуқ 11-нөвәтлик сиясий мәслиһәт кеңишиниң вәкилләр тизимликини тәнқид қилди

Уйғур аптоном районлуқ 11‏-нөвәтлик сиясий мәслиһәт кеңишиниң 1‏-қетимлиқ йиғини җүмә күни үрүмчидә башланди. Хитай ахбарат васитилириниң хәвәр қилишичә, йиғинға 510 нәпәр вәкил қатнашқан.
Мухбиримиз әркин
2013.01.25
Share on WhatsApp
Share on WhatsApp

Лекин д у қ йиғинниң вәкилләр тизимликини тәнқид қилип, уйғур вәкиллирини гәрчә хәлқ сайлимиған болсиму, бирақ йиғинда виҗдани, имани вә әхлақини ишқа селип бир қетим болсиму раст гәп қилишқа, уйғурларниң сиясий, иқтисадий мәнпәәтини қоғдашқа чақирди.

Йиғинға аптоном районлуқ парткомниң даимий әзаси нурлан абдумәнҗин риясәтчилик қилған. Сиясий кеңәшниң рәиси әсқәт керимбай хизмәт доклати бәргән.

Бу қетимлиқ сиясий кеңәш йиғининиң вәкилләр тизимлики уйғурларниң тәнқидигә учриған иди.

“уйғурбиз” ториниң хәвәр қилишичә, аптоном районниң аз дегәндә 45 % нопусини игиләйдиған уйғурлар 530 нәччә кишилик сиясий кеңәш вәкиллириниң аран 28 % ни, хитайлар 51 % ни тәшкил қилған.

Д у қ баянатчиси дилшат ришит җүмә күни радиомиз арқилиқ елан қилған баянатида әскәртип: бу әһвал хитай даирилириниң уйғурларни аптоном райониниң сиясий, иқтисадий саһәсидин илгириләп сиқип чиқириватқанлиқини көрситиду, дәп тәкитлиди.

Униң илгири сүрүшичә, вәкилләр нисбитидики бу хил тәңсизлик хитайниң асасий қануни вә аптономийә қанунида уйғурларға берилгән һоқуққа бузғунчилиқ қилип, уйғур аптоном районини тәдриҗий әмәлдин қалдурушниң асаси селиниватқанлиқидин дерәк бериду. У, уйғур хәлқини, болупму уйғур зиялийлирини вә уйғур вәкиллирини буниңдин агаһ болушқа чақирди.

Бу қетимқи йиғинда сиясий кеңәшниң йеңи рәһбәрлики сайлам чиқилиду.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.