Д у қ хитайниң башәгим, алатав шәһәрлирини қуруш пиланини тәнқид қилди

Дуня уйғур қурултийи хитай дөләт кабинетиниң корла вә борталада башәгим, алатав шәһәрлирини қуруш қарарини тәнқидләп, буниң уйғурларға һечқандақ пайдилиқ ақивәт елип кәлмәйдиғанлиқини билдүрди.
Мухбиримиз әркин
2012-12-31
Share

Д у қ баянатчиси дилшат ришитниң илгири сүрүшичә, бу пилан хитай көчмәнлириниң йәниму көпләп орунлаштурулуп, йәрлик хәлқниң давамлиқ аз санлиқ орунға чүшүп қелишини еғирлаштуруп қалмайду. Бу йәнә, уйғурлардики ишсизлиқни көпәйтип, муһитни, уйғурларниң мәдәнийәт турмуш усулини илгириләп бузғунчилиққа учритиду.

Ахбарат васитилириниң хәвәр қилишичә, хитай дөләт кабинети йеқинда уқтуруш чүшүрүп, уйғур аптоном районидики алатав вә башәгимни наһийә дәриҗилик шәһәр қилип тәсис қилиш тоғрисидики илтимасини тәстиқлиған. Башәгим шәһири уйғур аптоном райониниң башқурушида болидиғанлиқини, алатав шәһирини бортала моңғул аптоном области башқуридиғанлиқини елан қилған иди.

Дилшат ришитниң билдүрүшичә, хитайниң өлчимигә асасланғанда наһийә дәриҗилик бир шәһәрниң нопуси аз дегәндә 200 миңдин аз болмаслиқи керәк. У, уйғурлар топлишип яшайдиған йәкән, куча қатарлиқ шәһәрләрниң наһийә дәриҗилик шәһәр болушқа шәрти тошсиму, бирақ хитай башәгим, алатавға охшаш шәрткә тошмайдиған җайларни шәһәр қилип қурушта, хитай нопусини бәхираман йөткәшни асаслиқ өлчәм қилған, дәп көрсәтти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт