Dunya Uyghur qurultiyi qatarliq organlar jenwede yighin chaqiridighanliqini uqturdi

Dunya Uyghur qurultiyi, xelq'ara wakaletsiz milletler teshkilati we amérika kishilik hoquqni ilgiri sürüsh fondi qatarliq organlar birliship, aldimizdiki 3 - ayda jenwede ilmiy muhakime yighini uyushturidighanliqini élan qildi.
Muxbirimiz irade
2012-12-27
Share


Yighinning témisi "Xitayning yéngi rehberliri: sherqiy türkistan, tibet we mongghuliyide kishilik hoquq we démokratiyige qaritilghan riqabet" bolup, yighin 11 - marttin 13 - martqiche échilidiken. Nöwette xitaydiki yéngi rehberler almishishtin ilgiri xitayda bundin kéyin qandaq siyaset yürgüzülidighanliqi, yéngi rehberlerning xelqning teleplirige qulaq salidighan - salmaydighanliqi közetküchiler qattiq diqqet qiliwatqan bir mesile. Dunya Uyghur qurultiyi bügünki bayanatida, xitaydiki Uyghur, tibet we mongghulgha oxshash milletlerning weziyitining téximu jiddiylikini eskertip, xitayning nwöettiki weziyitining hel qilghuch basquchta ikenlikini tekitligen.

Yighin, xitayning az sanliq milletlerge qaratqan bésim siyasiti we shundaqla xitay démokratiye herikiti uchrawatqan yéngi riqabetlerni tehlil qilishni we shundaqla bundin kéyin yéngi bir istratégiyilik pilan tüzüp, öz - ara hemkarliqni ilgiri sürüshni meqset qilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet