Jenwede Uyghur kishilik hoquq weziyiti d u q kélidighan riqabetler muzakire qilinidu

Dunya Uyghur qurultiyining melumatigha qarighanda, “Xitayning yéngi rehberlik qatlimi: sherqiy türkistan, tibet, ichki mongghuldiki kishilik hoquq, démokratiye we erkinlik duch kélidighan riqabetler” namliq bu yighin bu yil 11-marttin 13-martqiche jenwede échilidiken.

Yighinni xeter astidiki milletler teshkilati, wakaletsiz milletler teshkilati we amérika démokratiyini ilgiri sürüsh fondi jem'iyiti birlikte uyushturidiken.

Melumatta mundaq körsitilgen: “Yuqiriqi rayonlarda kishilik hoquq depsendichiliki keng omumlashqan bolsimu, xitay hökümitining buninggha qarita tedbir almasliqi yaki ularning heqliq teleplirige qulaq salmasliqi Uyghurlar, tibetler we mongghullarning izchil qarshiliq namayishi uyushturushigha seweb bolmaqta. Bu xildiki kocha namayishliri rayondiki xitaylar bilen Uyghur, tibet we mongghullar arisidiki jiddiylikni ulghaytmaqta.”

Melum bolushiche, yighinda xitay rehberlik qatlimining Uyghur, tibet we mongghul rayonlirida barghanche ulghiyiwatqan naraziliq heriketlirige qandaq inkas qayturidighanliqi asasliq muzakire qilinidiken.

Yighinda yene, xitay démokratliri duch kéliwatqan mesililergimu qarap chiqilidiken.