Dunya Uyghur qurultiyining saylimi ötküzüldi

Muxbirimizning xewer qilishiche, amérika paytexti washigiton shehiri yénidiki "heyat " méhmanxanisida ötküzülüwatqan dunya Uyghur qurultiyining yighini üchinchi kün'ge qedem qoyup, 23 - may küni chüshtin kéyin dunyaning herqaysi döletliridin kelgen 120 etrapida wekilning qatnishishi we démokratik usul bilen awaz bérishi netijiside dunya Uyghur qurultiyining yéngi rehberlik orgini saylap chiqildi hemde qurultay nizamnamisigha bezi tüzitishler kirgüzüldi.
Muxbirimiz ümidwar
2009-05-24
Share

Uyghur milliy herikitining rehbiri rabiye qadir xanim dunya Uyghur qurultiyi re'islikige toluq awaz bilen saylap chiqildi.

Bulardin bashqa yene mu'awin re'is, bash katip we uning mu'awinliri, ichki ishlar, fond, neshriyatchiliq qatarliq her qaysi sahelerning yéngi mesullirimu saylam bilen békitildi.

Dunya Uyghur qurultiyining échilish murasimi 21 - may küni amérika dölet mejlisining zalida ötküzülgen bolup, bu murasimgha amérika dölet mejlisi ezaliri, amérikining bir qisim organlirining xadimliri qatniship, nutuq sözligen hemde Uyghurlarning démokratik, kishilik hoquq heriketlirige bolghan hésdashliqi hem qollishini izhar qilghan idi.
Dunya Uyghur qurultiyining 3 - nöwetlik qurultiyi 5 - ayning 25 - kuni yépilish murasimi bilen amérika paytexti washin'gtonda axirlashmaqchi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet