Тонулған музикант әбәйдулла турди вапат болди

Уйғур елида тонулған пешқәдәм композитор, опера өмикиниң иҗадийәтчиси әбәйдулла турди 3 - январ күни үрүмчидә 68 йешида вапат болған.
Мухбиримиз үмидвар
2009-01-04
Share

Игилинишләргә асасланғанда, әбәйдулла турдиниң вапати уйғур музика сәнити саһәсидики бир йоқитиш дәп қаралған болуп, мәрһум 1965 - йилидин тартип, таки һазирғичә бир өмүр тиятирчилиқ вә музика иҗадийити билән шуғуллинип, көплигән нахша - музикиларни иҗад қилған һәмдә вайиға йәткүзүп орундап, хәлқниң һөрмитигә еришкән.

Әбәйдулла турдиниң тиришчанлиқи вә әмгики билән уйғур опера, драма һәм кино тарихидики бир қисим муһим әсәрләрниң музикилири ишләнгән, униң "салам сизгә муәллим", "бир өмүр яриң болай", "ана вәтән" қатарлиқ бир түркүм нахша - музика иҗадийәтлири хәлқ ичигә кәң тарқалған иди.

Әбәйдулла турди 1941 - йили ғулҗида туғулған болуп, бейҗиңдики мәркизий тиятир институтини тунҗи қетим пүттүргән, кәспий хадимлардин бири иди.

Һәр қандақ бир милләт өзиниң сиясий, мәдәнийәт вә иқтисадий тәрәққияти һәм гүллинишигә һәссә қошқан пәрзәнтлирини һөрмәтләйду. Уйғурларму өзлириниң әнә шундақ пәрзәнтлирини қәдирләйду.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт