Tonulghan muzikant ebeydulla turdi wapat boldi

Igilinishlerge asaslan'ghanda, ebeydulla turdining wapati Uyghur muzika sen'iti sahesidiki bir yoqitish dep qaralghan bolup, merhum 1965 - yilidin tartip, taki hazirghiche bir ömür tiyatirchiliq we muzika ijadiyiti bilen shughullinip, köpligen naxsha - muzikilarni ijad qilghan hemde wayigha yetküzüp orundap, xelqning hörmitige érishken.

Ebeydulla turdining tirishchanliqi we emgiki bilen Uyghur opéra, drama hem kino tarixidiki bir qisim muhim eserlerning muzikiliri ishlen'gen, uning "salam sizge mu'ellim", "bir ömür yaring bolay", "ana weten" qatarliq bir türküm naxsha - muzika ijadiyetliri xelq ichige keng tarqalghan idi.

Ebeydulla turdi 1941 - yili ghuljida tughulghan bolup, béyjingdiki merkiziy tiyatir institutini tunji qétim püttürgen, kespiy xadimlardin biri idi.

Her qandaq bir millet özining siyasiy, medeniyet we iqtisadiy tereqqiyati hem güllinishige hesse qoshqan perzentlirini hörmetleydu. Uyghurlarmu özlirining ene shundaq perzentlirini qedirleydu.