ئۇيغۇر ئېلىدە تېخىچە بىر مىليون كىشىنىڭ ئېلېكتردىن بەھرىمەن بولالمايۋاتقانلىقى ئاشكارىلاندى

خىتاي مەتبۇئاتلىرى ئۇيغۇر ئېلىدە ئېلېكتر تورىنىڭ يېزا-قىشلاقلارغىچە ئومۇملىشىپ بولغانلىقىنى 15-20 يىلنىڭ ئالدىدىلا خەۋەر قىلىپ بولغان ھەم شۇنىڭدىن كېيىنكى ھۆكۈمەتنىڭ خەلق تۇرمۇشى ھەققىدىكى دوكلاتلىرىدىمۇ، ئۇيغۇر ئېلىدە تېخىچە ئېلېكتر ئىشلىتەلمەيۋاتقان ئاھالىلەرنىڭ بارلىقى ھەققىدە ھېچقانداق ئېغىز ئېچىلمىغان ئىدى.
مۇخبىرىمىز شۆھرەت ھوشۇر
2012-07-30
ئېلخەت
پىكىر
Share
پرىنت

ئۈرۈمچىدىكى خىتاي خەۋەر تورىدا بۈگۈن 12-بەش يىللىق ئېلېكتر ئېنېرگىيە قۇرۇلۇش پىلانى ھەققىدە خەۋەر بېرىلگەن. خەۋەردە مەزكۇر پىلان بويىچە، ئېلېكتر تورلىرىنى كېڭەيتىپ قۇرۇپ، نۆۋەتتە توكتىن بەھرىمەن بولالمايۋاتقان بىر مىليون 75 مىڭ 300 كىشىنىڭ ئېلېكتر مەسىلىسى ھەل قىلىنىدىغانلىقى ئوتتۇرىغا قويۇلغان.

خەۋەردىن بىلىشىچە، ئۇيغۇر ئېلىنىڭ خېلى بىر قىسىم چەت يېزا-قىشلاقلىرىغا تېخىچىلا ئېلېكتر يېتىپ بارالمىغان. ئۇيغۇر ئېلىنىڭ يېزا-قىشلاقلىرىدا ئاساسەن ئۇيغۇرلارنىڭ توپلىشىپ ئولتۇراقلاشقانلىقىدەك رېئاللىق كۈزدە تۇتۇلسا، ئېلېكتردىن بەھرىمەن بولالمايۋاتقانلار بۇ بىر مىليون كىشىنىڭ ھەممىسىنىڭ دېگۈدەك ئۇيغۇر ئىكەنلىكىنى، يەنى خىتاي بايان قىلغان نوپۇس ستاتىستىكىسى بويىچە ھېسابلىغاندىمۇ ئۇيغۇرلاردىن ھەر 10 ئائىلىدىن بىرىنىڭ تېخىچىلا توكسىز قاراڭغۇ ئۆيدە، تېلېفونسىز، تېلېۋىزورسىز، توڭلاتقۇسىز ياشاۋاتقانلىقى مەلۇم بولماقتا.

پىكىرلەر (0)
Share
تولۇق بەت