Xitay metbu'atlirida hökümet emeldarlirining mülkini ashkarilash teshebbus qilindi

Maqalide bir qisim teshebbuslar otturigha qoyulup, eger hökümet emeldarlirining mal-mülkini tizimlap awamgha ashkarilash tüzümi omumlashturulsa, hökümet emeldarlirining xizmet qulayliqidin paydilinip xiyanet qilishining, parixorluq we chiriklikning ewj élishini kontrol qilghili bolidighanliqi tekitlinip, buning xitayda tarixi xaraktérlik ilgirilesh élip kélishi mumkinliki otturigha qoyulghan.

Maqalide gu'angdungning partkom sékrétari wang yang, shangxey shehirining partkom sékrétari yü shéng qatarliqlarning emeldarlarning mülkini tizimlap, awamgha ashkarilash teshebbusini qollap ipade bildürgenlikim,lékin yene “Bezi emeldarlar” ning bu tüzümning yolgha qoyulushigha qattiq qarshiliq qiliwatqanliqi otturigha qoyulghan. Emma maqalide bu “Bezi emeldarlar”ning kimliki heqqide héchqandaq éniqlima bérilmigen.

Xitaydiki emeldarlarning parixorluq we chiriklik mesilisi xitay puqralirining naraziliqi eng küchlük mesililerning biri. B b s agéntliqini öz ichige gherb metbu'atlirining 9-noyabir künidiki xewerliride xitay re'isi xu jintawning 18-qurultayda bergen xizmet doklatida, “Emeldarlarning mülkini ashkarilash” témisidin chetnigenlikining xitay tordashlirining naraziliqini qozghighanliqi otturigha qoyulghan.