En'gliye qirghizistanning herbiy jehettin küchiyishige yardem béridu

En'gliye dölet mudapi'e ministirliqining bir wekiller 26-awghust küni qirghizistanni ziyaret qilip, yéqinda qirghizistanda rehmi xizmet bashlaydighan en'gliye elchixanisining asasliqi wezipiliridin birining qirghizistan dölet ministirliqining islahat qilishigha yardem bérish, qirghizistan armiyisining téxnika we herbiy jehettin zamaniwilishishi hem küchiyishi üchün yardem körsitish ikenlikini bildürgen.
Muxbirimiz ümidwar
2011.08.28

Rusiye régnum uchur agéntliqining xewer qilishiche, en'gliye mudapi'e ministirliqi wekiller ömiki qirghizistan mudapi'e ministiri ruslan qazaqbayéf bilen körüshken bolup, ikki terep yene qirghizistan armiyisining töwen derijilik ofitsérlirini terbiyilesh heqqidimu pikir birliki hasil qilghan. En'gliye terep yene dölet chégrilirini qoghdash, tamozhna bashqurush qatarliq saheliridiki tejribilirini qirghizistan terepke öginidiken.

Yéngi ish bashlaydighan en'gliye elchixanisi yene buningdin kéyin qirghizistan bilen rayon bixeterlikini kücheytish, jümlidin térrorchiliqqa, zeherlik chékimlik etkeschiliki, esebiylik hemde xelq'araliq teshkillik jinayetchilikke qarshi küresh saheliri boyichimu qirghizistan bilen hemkarlishishni ümid qilidighanliqini bildürgen.

Qirghizistan nöwette yéngi prézidént saylimigha teyyarliq qilmaqta, yene ikki aydin kéyin bu dölet özining yéngi prézidéntini saylap chiqidu shuningdek hakimiyet teqsimatida yene özgirishler bolidighanliqi perez qilinmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.