En'gliye elchixana emeldari ürümchide ölüm jazisi bérilgen en'gliye puqrasini yoqlidi

Bu yil 53 yashliq akmal sheyx en'gliye puqrasi bolup, xitay munasiwetlik organliri uni zeher etkeschiliki bilen qolgha alghan. Akmal sheyxning 2008 - yili, 4 kilogram xéro'inni élip Uyghur élige kirgende qolgha élin'ghanliqi ilgiri sürülgen bolup, xitay hökümiti uninggha ölüm jazisi bergen we bu ayning 29 küni ölüm jazasini ijra qilmaqchi bolghan idi.

Halbuki amal sheyx mezkur jinayetni hazirghiche boynigha almay kelmekte. Uning en'gliyidiki inisining bildürüshiche, u bashqilar teripidin paydilinip kétilgen iken.
 
Ashkarilinishiche, béyjingda turushluq en'gliye diplomati 26 - dékabir shenbe küni shu munasiwet bilen ürümchige kélip jinayet gumandari bilen körüshken.

En'gliye ölüm jazisi bikar qilin'ghan döletlerning biri bolup, her qadaq shekildiki ölüm jazasigha a qarshi.
Akmal sheyxning rohiy késelge giriptar bolghanliqi ilgiri sürülgen bolup, en'gliye da'iriliri we birleshken döletler teshkilatimu rohiy késelge ölüm jazasi ijra qilmasliqini telep qilghan.

Akmal sheyxning bu heqte xitay aliy sotigha sun'ghan erzi ret qilin'ghan. Akmal sheyx mesilisi en'gliye - xitay munasiwetliridiki söhbet témilirining biri bolup, ötken 6 ay ichide en'gliye diplomatliri xitay terep bilen mezkur mesilide 10 qétim körüshken. Akmal sheyxning zadi qandaq bir terep qilinidighanliqi hazirche namelum.