Uyghur rayonining énérgiye bayliqlirining xitay ölkilirige yötkilish qedimi tizlitilmekchi

Uyghur rayonluq hökümet bilen jyangsu ölkilik hökümet peyshenbe küni "ikki ölkining énérgiye sahesidiki istratégiyilik hemkarliqini ilgiri sürüsh" kélishimi imzalighan.
Muxbirimiz irade
2011.01.20

Kélishimge Uyghur rayonluq hökümetning mu'awin re'isi küresh mexsut we jyangsu ölkisining mu'awin ölke bashliqi shi xéping qol qoyghan.

Shinxu'a torida bérilgen xewerde déyilishiche, kélishim boyiche jyangsu ölkisi énérgiye, kömür we tebi'iy gazgha bolghan telepning éship bérishidek mesilini hel qilish üchün, "gherbning gazini sherqqe yötkesh", "shinjangning kömürini sirtqa toshush" we "shinjangning éléktr tokini sirtqa toshush" qatarliq istratégiye pilanlirigha nuqtiliq meblegh salidiken. Uyghur rayoni yene jyangsu ölkisining Uyghur rayonida kan bayliqi qézip tekshürüsh ishlirini qollap quwwetleydiken.

Shinxu'a torining bu heqtiki xéwirdin melum bolushiche, Uyghur rayonining mu'awin re'isi küresh mexsut murasimdiki sözide jyangsu ölkisining bay, ixtisas xadimliri toluq bolushtek ewzellikke ige ikenlikini, Uyghur rayonining bolsa mol énérgiye menbesige, bolupmu kan bayliqi jehette ewzellikke ige ikenlikini eskertip, ikki ölkining hemkarliqni kücheytip, "gherbning gazini sherqqe yötkesh" "shinjangning kömürini sirtqa yötkesh" pilanlirini ishqa ashurushni ilgiri sürüshi kéreklikini éytqan.

Bu kélishim arqiliq jyangsu shehiridin Uyghur élige ixtisasliq xadimlar süpitide adem yötkilidighanliqi we Uyghur rayoni énérgiye bayliqlirining téximu ilgiriligen sür'ette xitay ölkilirige yötkilidighanliqi melum bolmaqta.

Xitay da'iriliri 5 - iyul weqesidin kéyin Uyghur rayonini 19 xitay ölkisige bölüp bérish arqiliq Uyghur rayonini bashqurush, énérgiyisini yötkesh we köchmen yötkesh siyasitini jiddiy élip bériwatqan bolup, buningdin ilgirimu Uyghur élining qeshqer, xoten, aqsu wilayetlirimu ichkiridiki herqaysi ölkiler bilen bu xil kélishimlerni tüzgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.